കൊച്ചി: നിയമസഭാ തെരഞ്ഞെടുപ്പിൽ സീറ്റ് നിഷേധിച്ചതിനെ തുടർന്ന് കോൺഗ്രസ് നേതൃത്വത്തിനെതിരെ അതൃപ്തി പ്രകടിപ്പിച്ച് എൽദോസ് കുന്നപ്പിള്ളി രംഗത്ത്. സീറ്റ് ലഭിക്കാത്തത് നിരാശപ്പെടുത്തിയതായും, തീരുമാനം നേരത്തേ അറിയിച്ചിരുന്നെങ്കിൽ സാഹചര്യം വ്യത്യസ്തമായേനെയെന്നും അദ്ദേഹം പറഞ്ഞു.
ജനങ്ങളുമായി ഇടപഴകുന്നതിനേക്കാൾ നേതാക്കളുമായി കൂടുതൽ ബന്ധപ്പെടേണ്ടതായിരുന്നു എന്ന തിരിച്ചറിവും അദ്ദേഹം പങ്കുവച്ചു. മത്സരത്തിനായുള്ള എല്ലാ തയ്യാറെടുപ്പുകളും പൂർത്തിയാക്കിയ ശേഷമാണ് പിന്മാറാൻ ആവശ്യപ്പെട്ടതെന്നും, അതുകൊണ്ടാണ് കൂടുതൽ വിഷമമുണ്ടായതെന്നും എൽദോസ് കുന്നപ്പിള്ളി വ്യക്തമാക്കി.
