നടൻ റൺവീർ സിംഗിനെതിരെയുള്ള കേസ് റദ്ദാക്കിയേക്കുമെന്ന സൂചന നൽകി കർണാടക ഹൈക്കോടതി. രൺവീർ സിങ് കാന്താര 2 സിനിമയിലെ ദൈവക്കോലത്തെ അപമാനിച്ചത് വലിയ ചർച്ചയായിരുന്നു. ഈ കേസാണ് റദ്ധാക്കിയേക്കുമെന്ന സൂചന പുറത്തു വരുന്നത്. വിവാദമായതോടെ നടൻ ക്ഷമാപണം നടത്തിയിരുന്നു. ഇത് കണക്കിലെടുത്തു നടനെതിരെ ഉയർന്ന എതിർപ്പുകൾ പരിഗണിച്ചശേഷം ഹർജി തീർപ്പാക്കുമെന്ന് ജസ്റ്റിസ് എം നാഗപ്രസന്ന അധ്യക്ഷനായ ബഞ്ച് ശനിയാഴ്ച വ്യക്തമാക്കി. കഴിഞ്ഞവർഷം ഗോവയിൽ നടന്ന അന്താരാഷ്ട്ര ഇന്ത്യൻ ചലച്ചിത്രോത്സവത്തിന്റെ സമാപന ചടങ്ങിലാണ് റൺവീർ ദൈവക്കോലത്തെ അപമാനിച്ചത്. നടൻ ഖേദിക്കുന്നുവെന്നും ക്ഷമാപണത്തിന്റെ ഭാഗമായി ചമുണ്ഡി ഹിൽ ക്ഷേത്രം സന്ദർശിക്കുമെന്നും രൺവീറിന്റെ അഭിഭാഷകൻ വ്യക്തമാക്കി.