കോട്ടയം: നിയസഭ തിരഞ്ഞെടുപ്പ് കഴിഞ്ഞതിന് പിന്നാലെ 102 സീറ്റിന്റെ വമ്പൻ ഭൂരിപക്ഷത്തിൽ അധികാരത്തിലെത്തിയപ്പോൾ മുഖ്യമന്ത്രി ആരാവണമെന്നതിനെ കുറിച്ച് ചർച്ചകൾ പുരോഗമിക്കുന്നതിന് പിന്നാലെ വി ഡി സതീശനെ മുഖ്യമന്ത്രിയാക്കണമെന്ന ആവശ്യവുമായി കോട്ടയത്തും കോഴിക്കോട്ടും കൂറ്റൻ പ്രകടനങ്ങൾ. പട നയിച്ചവൻ നാട് നയിക്കട്ടെ എന്ന മുദ്രവാക്യത്തോടെ പാമ്പാടിയിലാണ് പ്രകടനം നടന്നത്. കെ സി വേണുഗോപാലിന്റെ ഫ്ളക്സ് ബോർഡുകൾ നശിപ്പിച്ചും വി ഡി സതീശന്റെ ഫ്ളക്സ് ബോർഡുകൾ ഉയർത്തിയുമാണ് പ്രതിഷേധം. INTUC കോട്ടയം ജില്ലാ നേതാക്കളും KSU നേതാക്കളടക്കം പ്രതിഷേധത്തിൽ പങ്കെടുത്തു. പരസ്യമായ പോര്വിളികൾക്ക് പിന്നാലെ സംയമനം പാലിക്കണമെന്ന് ആവശ്യപ്പെട്ട് വി ഡി സതീശൻ ഫേസ്ബുക് പോസ്റ്റുമായി രംഗത്തെത്തി. കേരളത്തിലുടനീളം വി ഡി സതീശനനുകൂല പ്രകടനങ്ങൾ തുടരുകയാണ്.