ബംഗളൂരു: കര്ണാടകയിലെ വിജയപുരയില് വസ്തു തര്ക്കത്തിന്റെ പേരില് ഞെട്ടിക്കുന്ന കൂട്ടക്കൊല. ഒരു കുടുംബത്തിലെ അഞ്ച് പേര് ഉള്പ്പടെ ആറ് പേരെ വെട്ടിക്കൊന്നു. ഗ്രാമത്തിലെ നിരാലെ, ഗുല്ഗി കുടുംബങ്ങള് തമ്മില് കൃഷി ഭൂമിയെ ചൊല്ലി ദീര്ഘകാലമായി ഭൂമി തര്ക്കം നിലനിന്നിരുന്നതായി പൊലീസ് പറയുന്നു. ആറ് പേര് സംഭവസ്ഥലത്തുതന്നെ മരിച്ചു.
കരിമ്പ് വെട്ടാന് ഉപയോഗിക്കുന്ന മൂര്ച്ചയേറിയ ആയുധം ഉപയോഗിച്ചാണ് കൊലപ്പെടുത്തിയതെന്ന് തെളിഞ്ഞിട്ടുണ്ട്. ആക്രമണത്തിനിടെ വെടിവയ്പ് നടന്നതായി റിപ്പോര്ട്ടുകള് ഉണ്ടായിരുന്നെങ്കിലും മൃതദേഹങ്ങളുടെ പ്രാഥമിക പരിശോധനയില് വെടിയേറ്റ ലക്ഷണങ്ങള് കണ്ടെത്തിയിട്ടില്ലെന്നും പൊലീസ് പറഞ്ഞു.
