Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

സാൻഡ്‌പേപ്പർ വിവാദത്തിൽ പുതിയ വെളിപ്പെടുത്തൽ; സ്മിത്തിന് അറിവുണ്ടായിരുന്നുവെന്ന് ബാൻക്രോഫ്റ്റ്, കൂടുതൽ താരങ്ങളിലേക്കും ആരോപണം

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

സിഡ്‌നി: 2018-ൽ ക്രിക്കറ്റ് ലോകത്തെ പിടിച്ചുകുലുക്കിയ സാൻഡ്‌പേപ്പർ വിവാദത്തിൽ പുതിയ വെളിപ്പെടുത്തലുകളുമായി മുൻ ഓസ്‌ട്രേലിയൻ താരം കാമറൂൺ ബാൻക്രോഫ്റ്റ്. പന്തിൽ കൃത്രിമം കാണിക്കാനുള്ള പദ്ധതിയെക്കുറിച്ച് അന്നത്തെ ക്യാപ്റ്റൻ സ്റ്റീവ് സ്മിത്തിന് അറിവുണ്ടായിരുന്നുവെന്നും, താനും ഡേവിഡ് വാർണറും മാത്രമല്ല, ഡ്രസ്സിംഗ് റൂമിലെ മറ്റ് താരങ്ങൾക്കും സംഭവത്തെക്കുറിച്ച് അറിയാമായിരുന്നുവെന്നുമാണ് ബാൻക്രോഫ്റ്റിന്റെ വെളിപ്പെടുത്തൽ. ‘ദി വെസ്റ്റ് ഓസ്‌ട്രേലിയൻ’ പത്രത്തിൽ എഴുതിയ ലേഖനത്തിലാണ് നിർണായക വെളിപ്പെടുത്തലുകൾ.

പന്തിൽ സാൻഡ്‌പേപ്പർ ഉപയോഗിക്കുന്നതിനെക്കുറിച്ചുള്ള ചർച്ചയിൽ സ്റ്റീവ് സ്മിത്ത് പങ്കെടുത്തിരുന്നുവെന്നും എന്നാൽ പദ്ധതിയിൽ തനിക്ക് പങ്കില്ലെന്ന് വ്യക്തമാക്കി അദ്ദേഹം അതിൽനിന്ന് ഒഴിഞ്ഞുമാറുകയായിരുന്നുവെന്നും ബാൻക്രോഫ്റ്റ് പറഞ്ഞു. സാൻഡ്‌പേപ്പർ ഉപയോഗിക്കുന്നത് വഞ്ചനയാണെന്ന് വ്യക്തമായി അറിയാമായിരുന്നിട്ടും ടീമിനായി എന്തെങ്കിലും ചെയ്യണമെന്ന അമിതാവേശമാണ് തന്നെ തെറ്റായ തീരുമാനത്തിലേക്ക് നയിച്ചതെന്നും അദ്ദേഹം വെളിപ്പെടുത്തി.

തന്റെ ഏഴാമത്തെ ടെസ്റ്റ് മത്സരം മാത്രമായിരുന്നു അന്ന് കളിച്ചിരുന്നത്. ടീമിനുവേണ്ടി എന്തും ചെയ്യാൻ തയ്യാറായിരുന്ന യുവതാരമെന്ന നിലയിൽ വിവേകപൂർവമായ തീരുമാനമെടുക്കാൻ കഴിഞ്ഞില്ലെന്നും ബാൻക്രോഫ്റ്റ് സമ്മതിച്ചു.

ഓസ്‌ട്രേലിയൻ പേസ് ബൗളർമാരായ പാറ്റ് കമ്മിൻസ്, മിച്ചൽ സ്റ്റാർക്ക്, ജോഷ് ഹേസൽവുഡ്, മിച്ചൽ മാർഷ് എന്നിവരെക്കുറിച്ചുള്ള വെളിപ്പെടുത്തലുകളാണ് വിവാദത്തിന് പുതിയ മാനം നൽകുന്നത്. പന്തിന് റിവേഴ്‌സ് സ്വിംഗ് ലഭിക്കുന്നുണ്ടോയെന്ന് ഇവരുമായി നിരന്തരം സംസാരിച്ചിരുന്നുവെന്നും പന്ത് ചുരണ്ടിയതിന്റെ ഫലത്തെക്കുറിച്ച് ബൗളർമാർ പ്രതികരിച്ചിരുന്നുവെന്നും ബാൻക്രോഫ്റ്റ് പറഞ്ഞു. ഇതോടെ പന്തിൽ കൃത്രിമം നടന്നതിനെക്കുറിച്ച് ടീമിലെ കൂടുതൽ താരങ്ങൾക്ക് അറിവുണ്ടായിരുന്നോ എന്ന ചോദ്യം വീണ്ടും ഉയരുകയാണ്. എന്നാൽ, നേരത്തെ ഈ ആരോപണങ്ങൾ പാറ്റ് കമ്മിൻസും സംഘവും പൂർണമായി നിഷേധിച്ചിരുന്നു.

ബാൻക്രോഫ്റ്റിന്റെ വെളിപ്പെടുത്തലിനെ മുൻ സഹതാരം ഡേവിഡ് വാർണറും പിന്തുണച്ചു. വർഷങ്ങളായി മനസിൽ കൊണ്ടുനടന്ന വലിയൊരു ഭാരം ഇറക്കിവെക്കാൻ ബാൻക്രോഫ്റ്റിന് കഴിഞ്ഞതിൽ സന്തോഷമുണ്ടെന്നും അദ്ദേഹം പറഞ്ഞത് സത്യമാണെന്നും വാർണർ പ്രതികരിച്ചു.

അതേസമയം, 2018-ലെ സംഭവത്തിൽ നടത്തിയ അന്വേഷണം വീണ്ടും തുറക്കില്ലെന്ന് ക്രിക്കറ്റ് ഓസ്‌ട്രേലിയ വ്യക്തമാക്കി. കേപ്ടൗൺ ടെസ്റ്റിലെ പന്തുചുരണ്ടൽ വിവാദത്തെ തുടർന്ന് അന്ന് സ്റ്റീവ് സ്മിത്തിനും ഡേവിഡ് വാർണർക്കും ഒരു വർഷവും കാമറൂൺ ബാൻക്രോഫ്റ്റിന് ഒൻപത് മാസവും വിലക്കേർപ്പെടുത്തിയിരുന്നു.

എന്നാൽ, 2018-ലെ ദക്ഷിണാഫ്രിക്കൻ പര്യടനത്തിൽ പങ്കെടുത്ത താരങ്ങൾക്ക് തങ്ങളുടെ അനുഭവങ്ങൾ തുറന്നുപറയാൻ പ്രത്യേക വേദി ഒരുക്കുന്ന കാര്യം ക്രിക്കറ്റ് ഓസ്‌ട്രേലിയ പരിഗണിക്കുന്നുണ്ട്. പുതിയ വെളിപ്പെടുത്തലുകൾ പഴയ വിവാദത്തെ വീണ്ടും ക്രിക്കറ്റ് ലോകത്തിന്റെ ചർച്ചകളിലേക്ക് കൊണ്ടുവന്നിരിക്കുകയാണ്.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix