തിരുവനന്തപുരം: ഹിന്ദു ദിനപത്രത്തിനും പിആര് എജന്സിയായ കെയ്സനുമെതിരെ പരാതിയുമായി യൂത്ത് കോണ്ഗ്രസ്. മുഖ്യമന്ത്രി പിണറായി വിജയന്റെ അഭിമുഖവുമായി ബന്ധപ്പെട്ട് ഹിന്ദു ദിനപത്രം നല്കിയ വിശദീകരണത്തിന് പിന്നാലെയാണ് യൂത്ത് കോണ്ഗ്രസ് പരാതിയുമായി എത്തിയിരിക്കുന്നത്.
ഹിന്ദു പത്രത്തിനും കെയ്സനുമെതിരെ കലാപാഹ്വാനത്തിന് കേസെടുക്കണമെന്നാവശ്യപ്പെട്ട് യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് അബിന് വര്ക്കി ഡിജിപിക്ക് പരാതി നല്കി. ഡല്ഹിയില് കേരളാ ഹൗസില്വെച്ചാണ് ദ ഹിന്ദു ദിനപത്രത്തിലെ മാധ്യമപ്രവര്ത്തക ശോഭനാ നായര്ക്ക് മുഖ്യമന്ത്രി അഭിമുഖം നല്കിയത്.
അഭിമുഖത്തിന്റെ ചില ഭാഗങ്ങള് വര്ഗീയമായി ചിത്രീകരിക്കുന്ന പരാമര്ശങ്ങള് ഉള്ക്കൊള്ളുന്നതായിരുന്നുവെന്നാണ് യൂത്ത് കോണ്ഗ്രസ് നല്കിയ പരാതിയില് ചൂണ്ടിക്കാട്ടുന്നത്. മുഖ്യമന്ത്രി പരാമര്ശങ്ങള് നിഷേധിക്കുകയും വിശദീകരണവുമായി ഹിന്ദു പത്രം രംഗത്തെത്തുകയും ചെയ്തിരുന്നു.
