യാത്രക്കാര്ക്ക് ആശ്വാസമായി കൊല്ലം എറണാകുളം റൂട്ടിലെ യാത്ര പ്രതിസന്ധിക്ക് പരിഹാരം. ഈ റൂട്ടിലേയ്ക്ക് പ്രത്യേക ട്രെയിന് അനുവദിച്ചു റെയില്വേ ഉത്തരവായി. തിങ്കള് മുതല് വെള്ളിവരെ ആഴ്ചയില് അഞ്ചുദിവസം സര്വീസ്. ഈമാസം ഏഴാം തീയതി മുതല് സര്വീസ് ആരംഭിക്കും.
സര്വീസ് ക്രമീകരിച്ചിരിക്കുന്നത് വിദ്യാര്ത്ഥികള്ക്കും ജോലിക്ക് പോകുന്നവര്ക്കും ഉപയോഗപ്പെടുന്ന രീതിയിയിലാണ്. കൂടാതെ പുനലൂര് എറണാകുളം മെമ്മു സര്വീസും ഉടന് ആരംഭിക്കുമെന്നും റെയില്വേ അറിയിച്ചു. കോച്ചുകള് തിരുവനന്തപുരം ഡിവിഷന് ലഭിക്കുന്ന മുറയ്ക്ക് സര്വീസ് ആരംഭിക്കും.
