രജനികാന്ത് ചിത്രം വേട്ടയ്യനെതിരെ മദ്രാസ് ഹൈക്കോടതിയില് ഹര്ജി. പൊലീസ് നടത്തുന്ന ഏറ്റുമുട്ടല് കൊലകളെ പ്രകീര്ത്തിക്കുന്ന സംഭാഷണം നീക്കം ചെയ്യണം എന്നാവശ്യപ്പെട്ടാണ് ഹര്ജി സമര്പ്പിച്ചിരിക്കുന്നത്. മധുര സ്വദേശിയായ കെ. പളനിവേലു ഹൈക്കോടതിയില് ഹര്ജി സമര്പ്പിച്ചിരിക്കുന്നത്. ചിത്രത്തിന്റെ റിലീസിന് ദിവസങ്ങള് മാത്രം ബാക്കി നില്ക്കെയാണ് ഹര്ജി സമര്പ്പിച്ചിരിക്കുന്നത്.
കഴിഞ്ഞ ദിവസം പുറത്തുവിട്ട വേട്ടയ്യന്റെ ടീസറിലെ ദൃശ്യങ്ങള് ചൂണ്ടിക്കാട്ടിയാണ് ഹര്ജി. എന്കൗണ്ടര് കുറ്റവാളികള്ക്കുള്ള ശിക്ഷ മാത്രമല്ല, ഭാവിയില് കുറ്റകൃത്യങ്ങള് തടയാനുള്ള മുന്കരുതല് കൂടിയാണെന്ന് രജനീകാന്ത് അവതരിപ്പിക്കുന്ന പോലീസ് കഥാപാത്രം പറയുന്നുണ്ട്. ഇതാണ് പരാതിക്കാരന് ചൂണ്ടിക്കാട്ടിയത്.
എന്കൗണ്ടര് കൊലകളെ പ്രോത്സാഹിപ്പിക്കുന്ന സംഭാഷണങ്ങള് നീക്കം ചെയ്തതിന് ശേഷം മാത്രം ചിത്രം റിലീസ് ചെയ്യണമെന്നും അതുവരെ റിലീസ് തടയണമെന്നും ഹര്ജിക്കാരന് ആവശ്യപ്പെട്ടു.
