കണ്ണൂര്: അന്തരിച്ച എഡിഎം നവീന് ബാബുവിന് വീഴ്ച സംഭവിച്ചിട്ടില്ലെന്ന് ജില്ലാ കളക്ടറുടെ റിപ്പോര്ട്ട്. പെട്രോള് പമ്പിന് എന്ഒസി നല്കുന്നതുമായി ബന്ധപ്പെട്ട് എഡിഎമിന് യതൊരു വീഴ്ചയും സംഭവിച്ചിട്ടില്ലെന്നാണ് കളക്ടറുടെ റിപ്പോര്ട്ടില് പറയുന്നത്. സര്ക്കാര് നിര്ദേശപ്രകാരം ജില്ലാ കളക്ടര് നടത്തിയ അന്വേഷണത്തിലാണ് വീഴ്ചയില്ലെന്ന് കണ്ടെത്തിയത്. എഡിഎം പെട്രോള് പമ്പിനുള്ള എന്ഒസി നല്കുന്നതില് അനാവശ്യ കാലതാമസമുണ്ടായില്ലെന്നാണ് കണ്ടെത്തല്. റിപ്പോര്ട്ട് കളക്ടര് നാളെ സര്ക്കാരിന് കൈമാറും.
സംരംഭകന് പ്രശാന്തന് പെട്രോള് പമ്പിനുള്ള എന്ഒസി നല്കുന്നതില് അനാവശ്യ കാലതാമസമുണ്ടായില്ലെന്ന് കളക്ടര് വ്യക്തമാക്കിയത്. നവീന് ബാബുവിന്റെ മരണവുമായി ബന്ധപ്പെട്ട് പൊലീസ് അന്വേഷണം പുരോഗമിക്കുകയാണ്. അന്വേഷണ സംഘം ഇന്ന് പി പി ദിവ്യയുടേയും കളക്ടറുടേയും മൊഴി രേഖപ്പെടുത്തും. നവീന് ബാബുവിന്റെ ആത്മഹത്യയെ തുടര്ന്നൂണ്ടായ പ്രതിഷേധത്തില് പി പി ദിവ്യ ഇന്നലെ
കണ്ണൂര് ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് നീക്കം ചെയ്തിരുന്നു.
