തൃശ്ശൂര്: സാഹിത്യ നിരൂപകനും പ്രഭാഷകനും സാംസ്കാരിക പ്രവര്ത്തകനുമായ ബാലചന്ദ്രന് വടക്കേടത്ത് (69) അന്തരിച്ചു. അസുഖ ബാധിതനായി തൃശ്ശൂരിലെ സ്വകാര്യ ആശുപത്രിയില് ചികിത്സയിലിരിക്കേയാണ് അന്ത്യം. മൃതദേഹം ഇന്ന് രാവിലെ 11.30 ന് കേരള സാഹിത്യ അക്കാദമിയില് പൊതുദര്ശനത്തിനായി എത്തിക്കും. ഞായറാഴ്ച്ച രാവിലെ 10 ന് തൃപ്രയാറിലെ വീട്ടുവളപ്പിലാണ് സംസ്കാരം.
ആരോഗ്യവകുപ്പില് ഉദ്യോഗസ്ഥനായിരുന്നു. കേരള കലാമണ്ഡലം സെക്രട്ടറി, സാഹിത്യ അക്കാദമി വൈസ് പ്രസിഡന്റ്,സമസ്ത കേരളസാഹിത്യ പരിഷത്ത് നിര്വാഹക സമിതി അംഗം കേന്ദ്ര സാഹിത്യ അക്കാദമി അംഗം, എന്നീ നിലകളില് പ്രവത്തിച്ചിട്ടുണ്ട്.
കലാമണ്ഡലം മുകുന്ദരാജാ പുരസ്കാരം, എആര് രാജരാജവര്മ്മ പുരസ്കാരം, കാവ്യമണ്ഡലം അവാര്ഡ്, ഗുരുദര്ശന അവാര്ഡ്, ശ്രീശൈലം സാഹിത്യ പുരസ്കാരം, സി പി മേനോന് അവാര്ഡ്, തുടങ്ങീ ഒട്ടനേകം പുരസ്കാരങ്ങള് ലഭിച്ചിട്ടുണ്ട്.
