ആഷിഖ് അബു സംവിധാനം ചെയ്യുന്ന ആക്ഷൻ പാക്ക് ചിത്രം റൈഫിൾ ക്ലബ്ബിന്റെ റിലീസ് തീയതി പുറത്തുവിട്ട് നിർമാതാക്കൾ. ഡിസംബർ 19 ന് ചിത്രം ആഗോളതലത്തിൽ റിലീസ് ചെയ്യും. ദിലീഷ് പോത്തൻ, അനുരാഗ് കശ്യപ്, ഹനുമാൻ കൈൻഡ്, വിനീത്, ഉണ്ണിമായ പ്രസാദ്, വാണി വിശ്വനാഥ്, ദർശന രാജേന്ദ്രൻ, വിജയ രാഘവൻ, സുരഭി ലക്ഷ്മി, സുരേഷ് കൃഷ്ണ എന്നിവരാണ് മുഖ്യ കഥാപാത്രങ്ങൾ.
ചിത്രത്തിന് ശ്യാം പുഷ്കരൻ, ദിലീഷ് കരുണാകരൻ, സുഹാസ് എന്നിവർ ചേർന്ന് തിരക്കഥ എഴുതിയിരിക്കുന്നു. TRU സ്റ്റോറീസ് എന്റർടൈൻമെന്റ്, OPM സിനിമാസ്, ഗോകുലം മൂവീസ് എന്നിവർ ചേർന്ന് നിർമിക്കുന്ന ചിത്രത്തിൽ റെക്സ് വിജയൻ സംഗീത സംവിധാനം നിർവഹിക്കുന്നു. ചിത്രത്തിന്റെ എഡിറ്റിംഗ് വി.സാജനാണ്.
സംവിധായകൻ ആഷിഖ് അബു തന്നെയാണ് ഈ ചിത്രത്തിന്റെ ഛായാഗ്രഹണവും നിർവഹിച്ചിരിക്കുന്നത്. നീണ്ട ഇടവേളക്ക് ശേഷം മലയാളികളുടെ പ്രിയപ്പെട്ട നടി വാണി വിശ്വനാഥ് ബിഗ് സ്ക്രീനിലേക്ക് തിരിച്ചെത്തുന്നു എന്ന പ്രത്യേകതയും ചിത്രത്തിനുണ്ട്. ലോകശ്രദ്ധയാകർഷിച്ച ഇന്ത്യൻ റാപ്പർ ഹനുമാൻ കൈൻഡും ആദ്യമായി അഭിനയ രംഗത്തേക്ക് കടക്കുന്നു എന്ന സവിഷേതയും റൈഫിൾ ക്ലബിന് അവകാശപ്പെടാം.
