കൊച്ചിയിൽ മികച്ച പ്രതികരണങ്ങൾ നേടി സ്വിഗ്ഗി അവതരിപ്പിച്ച ക്വിക്ക്-കൊമേഴ്സ് സംവിധാനമായ ഇൻസ്ടാമാർട്ട് കൊച്ചിയിലെ ഉപഭോക്താക്കളെക്കുറിച്ചുള്ള കൗതുകകരമായ വസ്തുതകളാണ് ”ഹൗ ഇന്ത്യ സ്വിഗ്ഗീഡ് 2024 – സ്വിഗ്ഗി ഇന്സ്റ്റാമാര്ട്ട് എഡീഷന്” എന്ന കമ്പനിയുടെ വാര്ഷിക റിപ്പോര്ട്ടില് ഉള്ളത്. ഒരു കൊച്ചി സ്വദേശി കഴിഞ്ഞ വര്ഷം സ്വിഗ്ഗി ഇന്സ്റ്റാമാര്ട്ടിലൂടെ 4000 പാക്കറ്റ് ചിപ്സ് ഓര്ഡര് ചെയ്തതായി റിപ്പോര്ട്ടില് പറയുന്നു.
ഇതോടെ രാജ്യത്ത് ചിപ്സുകളോട് ഏറ്റവും പ്രിയമുള്ള നഗരങ്ങളില് ഒന്നായാണ് സ്വിഗ്ഗി ഇന്സ്റ്റാമാര്ട്ട് കൊച്ചിയെ വിശേഷിപ്പിക്കുന്നത്. ഈ വർഷം രാജ്യത്തെ തന്നെ ഏറ്റവും വേഗത്തില് നടന്ന ഡെലിവെറികളില് ഒന്ന് കൊച്ചിയിലാണ്. 89 സെക്കൻഡുകൾ കൊണ്ട് മാത്രമാണ് ആ ഡെലിവറി പൂര്ത്തിയാക്കിയത്. മാത്രമല്ല കഴിഞ്ഞ വര്ഷം ഒരു ഉപഭോക്താവില് നിന്നും മാത്രമായി 6,18,549 രൂപയുടെ ഓര്ഡര് ഇന്സ്റ്റാമാര്ട്ടിന് ലഭിച്ചു. കൊച്ചിയിലെ ഏറ്റവും മൂല്യമേറിയ ഓര്ഡറായിരുന്നു ഇത്.
2021ലെ നവംബറില് സ്വിഗ്ഗി ഇന്സ്റ്റാമാര്ട്ട് കൊച്ചിയില് അവതരിപ്പിച്ച സമയം മുതല് ജനങ്ങളില് നിന്ന് മികച്ച സ്വീകരണമാണ് കിട്ടുന്നതെന്ന് സ്വിഗ്ഗി ഇന്സ്റ്റാമാര്ട്ട് സിഇഒ അമിതേഷ് ജാ പറഞ്ഞു.കൊച്ചി നഗരത്തില് ഏറ്റവുമധികം ഓര്ഡര് ചെയ്യപ്പെട്ട സാധനങ്ങള് പാലും സവാളയും ഞാലിപ്പൂവനും നേന്ത്രപ്പഴവും മല്ലിയിലയുമാണ്.
