ഇന്ത്യക്കാര് 2024 ല് യൂബര് സേവനങ്ങള് പ്രയോജനപ്പെടുത്തിയ കണക്കുകൾ പുറത്തുവന്നു. കഴിഞ്ഞ വർഷം 920 കോടി കിലോമീറ്ററാണ് യൂബര് ഇന്ത്യയില് ഓടിയത്. ഇലക്ട്രിക് വാഹനങ്ങകളിലാണ് 17 കോടി കിലോമീറ്റര് യൂബര് ഓടിയത് എന്നതും പ്രധാന ആകർഷണമാണ്. ഏറ്റവും കൂടുതൽ യാത്രക്കാര് തെരഞ്ഞെടുത്തത് യൂബർ ഓട്ടോ ആണ്. തൊട്ട് പിന്നാലെ യൂബർ ഗോ യും ഉണ്ട്.
യൂബർ ഡ്രൈവർമാർക്ക് ഏറ്റവും കൂടുതൽ റേറ്റിംഗ് നൽകിയത് കേരളത്തിലെ യൂബർ യാത്രക്കാരാണ്. കൊച്ചിയിലെ യൂബർ യാത്രക്കാർ 5 ൽ ശരാശരി 4.90 റേറ്റിംഗാണ് ഡ്രൈവർമാര്ക്ക് നൽകിയത്. ഡ്രൈവർ റേറ്റിംഗിൽ ചണ്ഡീഗഢ് രണ്ടാം സ്ഥാനത്തും (4.816), പൂനെ മൂന്നാം സ്ഥാനത്തുമാണ് (4.815). ഏറ്റവും കുറഞ്ഞ ഡ്രൈവർ റേറ്റിംഗ് (4.65) കൊൽക്കത്തയിലാണ്. ജോലി ആവശ്യങ്ങൾക്കായി ഏറ്റവും കൂടുതൽ യൂബർ ഉപയോഗിച്ച നഗരം ബെംഗളൂരു ആണ്. 2024- ൽ ഏറ്റവും കൂടുതൽ യൂബർ യാത്രകൾ ബുക്ക് ചെയ്തത് ഡൽഹി-എൻസിആർ, ബംഗളൂരു, ഹൈദരാബാദ്, മുംബൈ, പൂനെ, കൊൽക്കത്ത എന്നിവിടങ്ങളിലാണ്.
