ന്യൂഡൽഹി: പോക്സോ കേസിൽ നടൻ കൂട്ടിക്കൽ ജയചന്ദ്രന്റെ അറസ്റ്റ് തടഞ്ഞ് സുപ്രീംകോടതി. മുൻകൂർ ജാമ്യ അപേക്ഷയിൽ ഉത്തരവുണ്ടാകും വരെയാണ് അറസ്റ്റ് തടഞ്ഞിരിക്കുന്നത്. അന്വേഷണവുമായി സഹകരിക്കണമെന്ന കോടതിയുടെ നിർദേശം നടൻ അംഗീകരിച്ചു. മുൻകൂർ ജാമ്യ അപേക്ഷ അടുത്ത മാസം 28നാണ് പരിഗണിക്കുന്നത്.
നാല് വയസുകാരിയെ വീട്ടില് വെച്ച് പീഡിപ്പിച്ചു എന്ന കേസിലാണ് കോഴിക്കോട് കസബ പൊലീസ് ജയചന്ദ്രനെതിരെ കേസ് രജിസ്റ്റര് ചെയ്തത്.
കേസില് മുന്കൂര് ജാമ്യം തേടി നല്കിയ അപേക്ഷ കോഴിക്കോട് അഡീഷണല് സെഷന്സ് കോടതിയും ഹൈക്കോടതിയും തള്ളി. തുടര്ന്നാണ് അപ്പീലുമായി കൂട്ടിക്കല് ജയചന്ദ്രന് സുപ്രിംകോടതിയെ സമീപിച്ചത്.
