സംസ്ഥാനത്ത് 27 ജില്ലാ പ്രസിഡന്റുമാരെ പ്രഖ്യാപിച്ചു ഭാരതീയ ജനത പാർട്ടി . നാലിടത്ത് വനിതകളാണ് അധ്യക്ഷ. കാസര്കോട് എം എല് അശ്വിനി, മലപ്പുറത്ത് ദീപ പുഴയ്ക്കല്, കൊല്ലത്ത് രാജി സുബ്രഹ്മണ്യന്, തൃശൂര് നോര്ത്തില് നിവേദിത സുബ്രഹ്മണ്യന് എന്നിവരാണ് ജില്ലാ അധ്യക്ഷ സ്ഥാനത്ത് എത്തിയിട്ടുള്ളതെന്ന് ബിജെപി സംസ്ഥാന പ്രസിഡന്റ് കെ സുരേന്ദ്രന് അറിയിച്ചു. വേറെ ഏതുപാര്ട്ടിയില് വനിതകള്ക്ക് ഇത്രയേറെ പ്രാതിനിധ്യമുണ്ടെന്നും കെ സുരേന്ദ്രന് ചോദിച്ചു സിപിഎമ്മില് ആകെ രണ്ട് വനിതാ ഏരിയാ കമ്മിറ്റി സെക്രട്ടറിമാര് മാത്രമാണുള്ളത്.
കോണ്ഗ്രസിന് എത്ര വനിതകള് ബ്ലോക്ക് പ്രസിഡന്റുമാരുണ്ടെന്ന് പരിശോധിച്ചു നോക്കൂവെന്നും സുരേന്ദ്രന് പറഞ്ഞു. തൃശൂര്, കോട്ടയം, ഇടുക്കി ജില്ലകളില് ക്രിസ്ത്യന് വിഭാഗങ്ങളില് നിന്നുള്ളവരാണ് ബിജെപി ജില്ലാ പ്രസിഡന്റുമാര്. ജസ്റ്റിന് ജേക്കബിനെ തൃശൂര് സിറ്റി ജില്ലാ പ്രസിഡന്റായി നിയമിച്ചു. കൂടാതെ ബിജെപിയിൽ 269 മണ്ഡലം പ്രസിഡന്റുമാരില് 34 പേര് വനിതകളാണ്. അതേസമയം പ്രശാന്ത് ശിവനെ ജില്ലാ പ്രസിഡന്റ് ആക്കിയതുമായി ബന്ധപ്പെട്ട് പാര്ട്ടിയില് ഒരു പ്രശ്നവുമില്ലെന്നും, ആരും രാജിവെക്കില്ലെന്നും കെ സുരേന്ദ്രന് വ്യക്തമാക്കി.
