തിരുവനന്തപുരം: സംസ്ഥാന സര്ക്കാരിന്റെ ക്രിസ്മസ്-നവവത്സര ബമ്പര് ഭാഗ്യക്കുറി നറുക്കെടുപ്പിന് ഇനി മിനിറ്റുകള് മാത്രം. ഉച്ചയ്ക്ക് രണ്ടിന് ഗോര്ഗി ഭവനിലാണ് നറുക്കെടുപ്പ്. നറുക്കെടുപ്പിന് മണിക്കൂറുകള് മാത്രം ബാക്കിനില്ക്കുമ്പോഴും ടിക്കറ്റ് വില്പ്പന തക്യതയായിരുന്നു.
20 കോടി രൂപ ഒന്നാംസമ്മാനം നല്കുന്ന ബമ്പര് നറുക്കെടുപ്പിലൂടെ 21 പേര്കൂടി കോടീശ്വരന്മാരാകും. രണ്ടാംസമ്മാനമായി ഒരുകോടി രൂപ വീതം 20 പേര്ക്കാണ് ലഭിക്കുന്നത്. മൂന്നാം സമ്മാനം 10 ലക്ഷം രൂപ വീതം 30 പേര്ക്കും നാലാം സമ്മാനം മൂന്ന് ലക്ഷം രൂപ വീതം 20 പേര്ക്കും ലഭിക്കും. പാലക്കാട് ജില്ലയിലാണ് ഏറ്റവും കൂടുതല് ടിക്കറ്റുകള് വിറ്റഴിച്ചത്.
