കോഴിക്കോട്: താമരശേരിയില് പത്താം ക്ലാസ് വിദ്യാര്ഥി ഷഹബാസിനെ മര്ദിച്ച് കൊലപ്പെടുത്തിയ കേസിലെ മുഖ്യപ്രതിയുടെ പിതാവിന്റെ ക്വട്ടേഷന് ബന്ധങ്ങള് തെളിയിക്കുന്ന ചിത്രങ്ങള് പുറത്തുവന്നു. ടി.പി. ചന്ദ്രശേഖരന് വധക്കേസിലെ പ്രതിക്കൊപ്പം നില്ക്കുന്ന ചിത്രങ്ങളാണ് പുറത്തു വന്നത്.
മുഖ്യപ്രതിയുടെ പിതാവ് ടി.പി. വധക്കേസിലെ പ്രതി ടി.കെ. രജീഷിനൊപ്പം നില്ക്കുന്ന ചിത്രങ്ങളാണ് പുറത്തു വന്നത്. ഷഹബാസിനെ മറ്റ് കുട്ടികള് ചേര്ന്ന് ആക്രമിക്കുന്ന സമയത്ത് ഇയാള് സ്ഥലത്തുണ്ടായിരുന്നതായി കുടുംബം ആരോപിച്ചിരുന്നു. ഷഹബാസിനെ മര്ദിക്കാന് ഉപയോഗിച്ച നഞ്ചക്ക് കണ്ടെത്തിയതും ഇയാളുടെ വീട്ടില് നിന്നാണ്.
