ലാഹോർ: ചാമ്പ്യൻസ് ട്രോഫി ക്രിക്കറ്റില് ഇന്ത്യ-ന്യൂസിലന്ഡ് കിരീടപ്പോരാട്ടം.ഇന്ന് നടന്ന രണ്ടാം സെമി ഫൈനലില് ദക്ഷിണാഫ്രിക്കയെ 50 റണ്സിന് തകര്ത്താണ് ന്യൂസിലന്ഡ് ഫൈനലിലെത്തിയത്. ലാഹോറിലെ ഗദ്ദാഫി സ്റ്റേഡിയത്തില് നടന്ന മത്സരത്തിൽ ആദ്യം ബാറ്റ് ചെയ്ത ന്യൂസിലന്ഡ് രചിന് രവീന്ദ്രയുടെയും കെയ്ന് വില്യംസണിന്റെയും സെഞ്ചുറികളുടെ കരുത്തില് 50 ഓവറില് ആറ് വിക്കറ്റ് നഷ്ടത്തില് 362 റണ്സടിച്ചപ്പോള് ഡേവിഡ് മില്ലര് അപരാജിത സെഞ്ചുറി നേടിയിട്ടും ദക്ഷിണാഫ്രിക്കയ്ക്ക് 50 ഓവറില് ഒമ്പത് വിക്കറ്റ് നഷ്ടത്തില് 312 റണ്സെടുക്കാനെ കഴിഞ്ഞുള്ളു.
അവസാന ഓവറുകളില് തകര്ത്തടിച്ച് ഇന്നിംഗ്സിലെ അവസാന പന്തില് സെഞ്ചുറിയിലെത്തിയ ഡേവിഡ് മില്ലര്(67 പന്തില് 100*) ആണ് ദക്ഷിണാഫ്രിക്കയുടെ ടോപ് സ്കോറർ.ഞായറാഴ്ച ദുബായ് ഇന്റര്നാഷണണല് സ്റ്റേഡിയത്തിലാണ് ഇന്ത്യ-ന്യൂസിലന്ഡ് കീരീടപ്പോരാട്ടം.
