കൊല്ലം: ‘നവകേരളത്തിനായി പുതുവഴികള്’ എന്ന നയരേഖ സിപിഐഎം നയത്തിന് അകത്തുനിന്നുകൊണ്ടു മാത്രമേ നടപ്പാക്കൂ എന്ന് മുഖ്യമന്ത്രി പിണറായി വിജയന്. കൊല്ലത്ത് നടന്ന സിപിഐഎം സംസ്ഥാന സമ്മേളത്തില് നയരേഖയുമായി ബന്ധപ്പെട്ട് നടന്ന ചര്ച്ചയ്ക്ക് മറുപടി പറയുകയായിരുന്നു അദ്ദേഹം. സെസും ഫീസും പിരിക്കാനുള്ള നീക്കം തുടങ്ങിയവ ചൂണ്ടിക്കാട്ടി ഉയര്ന്നുവന്ന വിമര്ശനങ്ങള്ക്കുള്ള മറുപടിയിലാണ് മുഖ്യമന്ത്രി വിശദീകരണം നല്കിയത്.
വികസനത്തിന് ജനം അനുകൂലമാണെന്നും ജനങ്ങളെ വിശ്വാസത്തിലെടുത്ത് മുന്നോട്ടുപോകുമെന്നും അദ്ദേഹം വ്യക്തമാക്കി. സെസ്, ഫീസ് തുടങ്ങിയവ വിഭവസമാഹരണത്തിനുള്ള ഒരു സാധ്യത എന്ന നിലയിലാണ് മുന്നോട്ടുവെച്ചത്. വിഭവസമാഹരണത്തില് ജനദ്രോഹ നിലപാട് ഉണ്ടാകില്ല എന്നും അദ്ദേഹം കൂട്ടി ചേര്ത്തു.
