ഇന്ത്യയുടെ ചാമ്പ്യൻസ് ട്രോഫി വിജയാഘോഷങ്ങൾക്കിടെ മധ്യപ്രദേശിലെ മൗവിൽ സംഘർഷം. ബൈക്ക് റാലിക്കിടെ ഉണ്ടായ കല്ലേറാണ് സംഘർഷത്തിൽ കലാശിച്ചത്. സംഘർഷത്തിൽ നാല് പേർക്ക് പരുക്കേറ്റു, ഇവരെ ആശുപത്രിയിൽ പ്രവേശിപ്പിക്കവാതായി പൊലീസ് പറഞ്ഞു.
ആളുകൾ ഇരു വിഭാഗങ്ങളായി തിരിഞ്ഞ് വാഹനങ്ങൾ തല്ലി തകർക്കുകയും,കത്തിക്കുകയും ചെയ്തു. സംഭവം നടന്ന മൗവിലെ പ്രദേശങ്ങളിൽ പൊലീസ് രാവിലെ തന്നെ പട്രോളിംഗ് നടത്തി. നിലവിൽ സ്ഥിതിഗതികൾ നിയന്ത്രണവിധേയമാന്നെന്നും,ആശങ്കപ്പെടേണ്ട സാഹചര്യമില്ലെന്നും എസ് പി വ്യക്തമാക്കി.
സംഭവത്തിൽ മധ്യപ്രദേശ് പൊലീസ് അന്വേഷണം ആരംഭിച്ചിട്ടുണ്ട്. ഇന്നലെ ഐസിസി ചാമ്പ്യന്സ് ട്രോഫിയിൽ ഇന്ത്യ കിരീട നേടിയിരുന്നു. ഇതിനെ തുടർന്നുണ്ടായആഹ്ലാദ പ്രകടനങ്ങളാണ് സംഘർഷത്തിന് കാരണമായത്.
