ആധാറും വോട്ടര് ഐഡി കാര്ഡും ബന്ധിപ്പിക്കാൻ കേന്ദ്രസർക്കാരിന്റെ നിർണായക നീക്കം. വോട്ടര്മാരുടെ എണ്ണത്തിലെ വര്ധനവുമായി ബന്ധപ്പെട്ട് വന്ന പരാതികള് ചര്ച്ച ചെയ്യാന് കേന്ദ്ര തെരഞ്ഞെടുപ്പ് കമ്മീഷന് വിളിച്ചു ചേര്ത്ത യോഗത്തില് ഇക്കാര്യത്തില് തീരുമാനമുണ്ടായേക്കും. ചൊവ്വാഴ്ചയാണ് ഇതുസംബന്ധിച്ച് ആഭ്യന്തര, നിയമ മന്ത്രാലയങ്ങളിലെ ഉന്നത ഉദ്യോഗസ്ഥരുടെ യോഗം നടക്കുക.
2021ല് ജനപ്രാതിനിധ്യ നിയമം ഭേദഗതി ചെയ്ത് ആധാറും വോട്ടര് ഐഡിയും ബന്ധിപ്പിക്കാമെന്ന വ്യവസ്ഥ കേന്ദ്രം കൊണ്ടു വന്നിരുന്നു. 66 കോടിയോളം പേരുടെ ആധാര് നമ്പര് ശേഖരിച്ചിട്ടുണ്ടെന്നും എന്നാല് വോട്ടര് ഐഡിയുമായി ബന്ധിപ്പിച്ചിട്ടില്ലെന്നും പാര്ലമെന്റില് സർക്കാർ അറിയിച്ചു. ആധാറും വോട്ടര് ഐഡിയും ബന്ധിപ്പിച്ചാല് പിന്നീട് ക്രമേക്കടിനുള്ള സാധ്യത വിരളമാകുമെന്നാണ് തിരഞ്ഞെടുപ്പ് കമ്മിഷന്റെ നിഗമനം.
