വാഷിങ്ടണ്: ചൈനീസ് ഉല്പ്പന്നങ്ങള്ക്കുള്ള തീരുവ 104 ശതമാനമാക്കി ഉയര്ത്തി അമേരിക്ക. പ്രസിഡന്റ് ഡൊണാള്ഡ് ട്രംപിന്റെ തീരുവ ഭീഷണിക്ക് പിന്നാലെയാണ് നടപടി. ഇന്ന് മുതല് പുതുക്കിയ തീരുവ പ്രാബല്യത്തില് വരും.
ചൈന പ്രതികാരത്തോടെയാണ് അമേരിക്കന് ഉത്പന്നങ്ങള്ക്ക് തീരുവ വര്ധിപ്പിച്ചതെന്നും ചൈന അതില് നിന്ന് പിന്വാങ്ങിയാല് ട്രംപ് ദയ കാണിക്കുമെന്നും വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ് പറഞ്ഞു. 54 ശതമാനമായിരുന്നു ചൈനയ്ക്കുണ്ടായിരുന്ന ഇറക്കുമതിച്ചുങ്കം. ഇതിനൊപ്പം 50 ശതമാനം കൂടിയാണ് ഇപ്പോള് ട്രംപ് ചുമത്തിയത്.
