കഴിഞ്ഞ എട്ട് വർഷമായി തോൽവി അറിയാത്ത ഒരു ഇന്ത്യൻ സിനിമയുണ്ട്. പല പാൻഇന്ത്യൻ ചിത്രങ്ങൾ ബോക്സ് ഓഫീസിനെ ഇളക്കിയപ്പോഴും സ്ഥാനഭ്രംശം സംഭവിക്കാത്തൊരു ചിത്രം. അത് 2016 ഡിസംബറിൽ ആമിർ ഖാന്റേതായി പുറത്തുവന്ന ദം​ഗൽ ആണ്. ​ഗുസ്തി പ്രമേയമായി എത്തിയ ചിത്രം ഇന്ത്യൻ സിനിമയ്ക്ക് തന്നെ അഭിമാനമായി ബോക്സ് ഓഫീസിൽ വൻ മുന്നേറ്റം സൃഷ്ടിച്ചു. റിപ്പോർട്ടുകൾ പ്രകാരം 2,024 കോടിയാണ് ദം​ഗൽ നേടിയ ആകെ കളക്ഷൻ.

ഇന്ത്യയിൽ നിന്നും 511.58 കോടി നേടിയപ്പോൾ വിദേശത്ത് നിന്നും 205 കോടിയും നേടി. 70 കോടിയാണ് ദംഗലിന്‍റെ മുടക്കുമുതല്‍ എന്നാണ് വിവരം. ആമിർ ഖാന്റെ 60-ാം പിറന്നാളിനോട് അനുബന്ധിച്ചാണ് ദം​ഗൽ വീണ്ടും ചർച്ചയാകുന്നത്. കഴിഞ്ഞ വർഷങ്ങളിലായി കെജിഎഫ് ചാപ്റ്റർ 2, ആർആർആർ, ജവാൻ തുടങ്ങിയ വമ്പൻ സിനിമകൾ എത്തിയിട്ടും പുഷ്പ 2 വന്നിട്ടുപോലും ദം​ഗലിനെ മറികടക്കാൻ അവയ്ക്കൊന്നും കഴിഞ്ഞില്ല. 1800 കോടിയാണ് പുഷ്പയുടെ ആ​ഗോള ബോക്സ് ഓഫീസ് കളക്ഷൻ.