മലപ്പുറം: നിലമ്പൂർ കരുളായി റെയ്ഞ്ച് ഉൾവനത്തിൽ യുവാവിനെ ആന ആക്രമിച്ചു. പൂക്കോട്ടുംപാടം പോലീസ് സ്റ്റേഷൻ പരിധിയിലെ കരുളായി റെയ്ഞ്ച് ഉൾവനമായ മണ്ണള ഉന്നതിയിൽ താമസിക്കുന്ന ബാലൻ (23), ആണ് ആക്രമിച്ചത്. ഇന്ന് രാവിലെ 11 മണിയോടെയായിരുന്നു ആക്രമണം. വനത്തിന്റെ ആഴത്തിൽ പോയ സമയത്താണ് കാട്ടാന ആക്രമിച്ചതെന്നാണ് പ്രാഥമിക വിവരം. ആക്രമണത്തിൽ ബാലന്റെ കൈക്ക് ഗൗരവമായ പരിക്ക് പറ്റി. സഹപ്രവർത്തകരുടെയും നാട്ടുകാരുടെയും സഹായത്തോടെ ഇയാളെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു.