കൊച്ചി:വമ്പന് ഹിറ്റായി മാറിയ മഞ്ഞുമ്മല് ബോയ്സ് എന്ന ചിത്രത്തിന്റെ കള്ള ടിക്കറ്റ് വഴി കള്ളപ്പണം വെളുപ്പിച്ചെന്ന കേസില് നിര്മ്മാതാക്കളുടെയും വിതരണക്കാരന്റെയും അക്കൗണ്ടുകള് മരവിപ്പിക്കാന് നിയമോപദേശം ലഭിച്ചു.’മഞ്ഞുമ്മല് ബോയ്സ്’ സിനിമയുടെ ലാഭ വിഹിതം പങ്കുവയ്ക്കുന്നതുമായി ബന്ധപ്പെട്ട തര്ക്കമാണ് കള്ളപ്പണം വെളുപ്പിക്കല് നിരോധന നിയമപ്രകാരമുള്ള ഇഡിയുടെ കേസിലേക്ക് എത്തിയത്.സിനിമയുടെ പറവ വിതരണ കമ്പിനിയുടെ പേരിലുള്ള അകൗണ്ടുകളും മരവിപ്പിക്കും.
കഴിഞ്ഞ അഞ്ച് വര്ഷത്തിനിടെ കേരളത്തില് പ്രദര്ശന വിജയം നേടിയ മുഴുവന് സിനിമകളുടെയും സാമ്പത്തിക വിവരങ്ങള് ശേഖരിക്കാന് ഇ ഡി ഒരുങ്ങുകയാണ്.സിനിമകളുടെ നിര്മ്മാണ ചെലവ് സംബന്ധിച്ച വിവരങ്ങളും ശേഖരിക്കും.കേരളത്തിലെ തിയേറ്റര് മേഖലയില് കള്ളപ്പണ ലോബി നടത്തുന്ന തട്ടിപ്പുകള് സംബന്ധിച്ച വിവരങ്ങള് ഇ ഡിയ്ക്ക് രണ്ട് സിനിമാ നിര്മ്മാതാക്കള് നല്കിയിരുന്നു. ഇതേ തുടര്ന്ന് കൂടുതല് പരിശോധന നടത്തുമെന്നും അന്വേഷണ ഉദ്യോഗസ്ഥര് പറഞ്ഞു.
