മദ്യനയം സർക്കാർ പുനഃപ്പരിശോധിക്കണമെന്ന ആവശ്യവുമായി നടനും നിര്മ്മാതാവുമായ വിജയ് ബാബു. ഞായറാഴ്ചയും ഒന്നാംതീയതിയും ഒന്നിച്ചുവന്ന സാഹചര്യത്തിലായിരുന്നു വിജയ് ബാബുവിന്റെ കുറിപ്പ്. ഫേസ് ബുക്ക് പോസ്റ്റിലൂടെയായിരുന്നു വിജയ് തന്റെ പ്രതികരണം രേഖപ്പെടുത്തിയത്.
വിജയ് ബാബുവിന്റെ ഫേസ് ബുക്ക് പോസ്റ്റിന്റെ പൂർണ രൂപം
ക്ലബ്ബുകളും ബാറുകളും എല്ലാമാസവും ഒന്നാംതീയതി അടച്ചിടണമെന്ന വിചിത്രമായ നിയമം സര്ക്കാര് പുനഃപരിശോധിക്കേണ്ടസമയം അതിക്രമിച്ചിരിക്കുന്നു. ഇന്ന് ഞായറാഴ്ചയാണ്. ഐപിഎല് നടക്കുന്നുണ്ട്. ക്ലബ്ബിലിരുന്ന്, മദ്യംകഴിച്ച് ഒരുമിച്ച് മത്സരം കാണണമെന്ന് ആഗ്രഹിക്കുന്നവര്ക്ക് എന്തുകൊണ്ട് അതിന് സാധിക്കില്ല? എന്തൊരു വൃത്തികെട്ട നിയമമാണിത്? ഫേസ്ബുക് കുറിപ്പിന്റെ അവസാനം വിജയ് ബാബു, വിഷയത്തില് മറ്റുള്ളവരുടെ അഭിപ്രായങ്ങളും കമന്റ് ചെയ്യാന് ആവശ്യപ്പെടുന്നുണ്ട്.
