കണ്ണൂര്: എഡിഎം നവീന് ബാബുവിന്റെ മരണത്തില് സിബിഐ അന്വേഷണം ആവശ്യപ്പെട്ട് കുടുംബം ഹൈക്കോടതിയില് അപ്പീല് നല്കി. മരണ കൊലപാതകമാണെന്ന് സംശയമുണ്ടെന്നും സംസ്ഥാന പൊലീസ് അന്വേഷണം തൃപ്തികരമല്ലെന്നുമാണ് അപ്പീലില് ഉളളത്. തങ്ങള്ക്ക് നീതി കിട്ടണമെങ്കില് സിബിഐ അന്വേഷണം വേണമെന്നുമാണ് ഭാര്യ മഞ്ജുഷ ആവശ്യപ്പെട്ടിരിക്കുന്നത്.
സമാന ആവശ്യം നേരത്തെ സിംഗിള് ബെഞ്ച് തളളിയിരുന്നു. കൊലപാതക സാദ്ധ്യതയെന്ന് തെളിയിക്കുന്ന തെളിവുകള് ഹാജരാക്കാന് ഹര്ജിക്കാരിക്ക് സാധിച്ചില്ലെന്ന് ജസ്റ്റിസ് കൗസര് എടപ്പഗത്തിന്റെ ബെഞ്ച് നിരീക്ഷിച്ചു. വസ്തുതകള് കാര്യമായി പരിശോധിക്കാതെയാണ് ഉത്തരവെന്നും ഹര്ജി ഡിവിഷന് ബെഞ്ച് പരിഗണിക്കും.
