തിരുച്ചിറപ്പളളിയില് നിന്ന് ഷാര്ജയിലേക്ക് പോയ എയര് ഇന്ത്യ എക്സ്പ്രസ് വിമാനം സാങ്കേതിക തകാര്മൂലം തിരിച്ചിറക്കിയ സംഭവത്തില് വിശദീകരണവുമായി എയര് ഇന്ത്യ എക്സ്പ്രസ്. സാങ്കേതിക തകരാര് ഉണ്ടാകാനിടയായ സാഹചര്യം പരിശോധിക്കുമെന്നും യാത്രക്കാരെ മറ്റൊരു വിമാനത്തില് ലക്ഷ്യസ്ഥാനത്തെത്തിയെക്കുമെന്നും എയര് ഇന്ത്യ അറിയിച്ചു.
ഓപ്പറേറ്റിംഗ് ക്രൂ അടിയന്തര ലാൻഡിങ്ങ് നടത്തുന്നതായി പ്രഖ്യാപിച്ചിരുന്നില്ല. സാങ്കേതിക തകരാര് റിപ്പോര്ട്ട് ചെയ്തതിന് ശേഷം, റണ്വേ നീളം കണക്കിലെടുത്ത് ഇന്ധനവും ഭാരവും കുറയ്ക്കുന്നതിനായി മുന്കരുതലെന്നോണം നിയുക്ത പ്രദേശത്ത് വിമാനം ഒന്നിലധികം തവണ വട്ടമിടുകയായിരുന്നു.
സാങ്കേതിക തകരാര് ഉണ്ടാകാനിടയായ സാഹചര്യം പരിശോധിക്കും. അസൗകര്യമുണ്ടായ യാത്രക്കാര്ക്ക് യാത്ര തുടരുന്നതിനായുള്ള സൗകര്യം ഒരുക്കുമെന്നും വാര്ത്താ കുറിപ്പില് പറയുന്നു.
