കൊല്ലം: സംവിധായകനും ബിഗ് ബോസ് വിജയിയുമായ അഖില് മാരാര്ക്കെതിരെ ബിജെപി പരാതി നല്കി. അഖില് മാരാര് ദേശവിരുദ്ധ പ്രസ്താവന നടത്തിയെന്നാരോപിച്ചാണ് ബിജെപി കൊട്ടാരക്കര മണ്ഡലം കമ്മിറ്റിയാണ് പരാതി നല്കിയത്. മൂന്നാം കക്ഷി ഇടപെടലിനെ തുടര്ന്ന് പാകിസ്താനെതിരായ പോരാട്ടത്തില് നിന്ന് ഇന്ത്യ പിന്നോട്ട് പോയെന്നായിരുന്നു അഖില് മാരാര് പറഞ്ഞത്. ഇതിനെ തുടര്ന്ന് ബിജെപി-ആര്എസ്എസ് അനുകൂലികള് അഖില് മാരാര്ക്കെതിരെ രംഗത്തെത്തുകയും പിന്നാലെ പരാതി നൽകുകയുമായിരുന്നു.
അതേസമയം അഖില് മാരാരെ പിന്തുണച്ച് കോണ്ഗ്രസ് നേതാവ് സന്ദീപ് വാര്യര് രംഗത്തെത്തി. പാവം അഖില് മാരാരെ മിത്രങ്ങള് ഒറ്റ ദിവസം കൊണ്ട് രാജ്യദ്യോഹിയായി പ്രഖ്യാപിച്ചു. ഒന്ന് പോടാപ്പോ, കാര്യാലയത്തില് നിന്നാണല്ലോ രാജ്യസ്നേഹ സര്ട്ടിഫിക്കറ്റ് വിതരണം ചെയ്യുന്നതെന്നാണ് ബിജെപിക്കെതിരായി സന്ദീപിന്റെ വിമർശനം.
RSS ന്റെ രാജ്യസ്നേഹം എന്ന് പറയുന്നത് അവര് സ്നേഹിക്കുന്ന രാഷ്ട്ര സങ്കല്പത്തെ ആധാരമാക്കിയാണ്. നമ്മള് ജീവിക്കുന്ന യഥാര്ത്ഥമായ ഇന്ത്യ എന്ന ബഹുസ്വര രാഷ്ട്രത്തെയല്ല അവര് സ്നേഹിക്കുന്നത്, മറിച്ച് ഏക ശിലാത്മകമായ എന്നാല് ഒരിക്കലും സംഭവിക്കാത്ത ഹിന്ദു രാഷ്ട്രത്തെയാണ് അവര് സ്നേഹിക്കുന്നതെന്നും സന്ദീപ് വാരിയർ കുറിപ്പിലൂടെ പറഞ്ഞു.
