വാഹനങ്ങളില് വരുത്തേണ്ട പുതിയ മാറ്റങ്ങള് ഉള്കൊളളിച്ച് സംസ്ഥാന ട്രാന്സ്പോര്ട് അതോറിറ്റി പുതിയ ഉത്തരവ് പുറപ്പെടുവിച്ചു. എല്ലാ ബസുകളിലും ക്യാമറ സ്ഥാപിക്കണമെന്നും എല്ലാ ഓട്ടോറിക്ഷകളിലും സ്റ്റിക്കര് പതിക്കണമെന്നും അതോറിറ്റി ഉത്തരവിട്ടു. മാര്ച്ച് 31 വരെയാണ് ഇതിന് സമയം നല്കിയിരിക്കുന്നത്.
കെഎസ്ആര്ടിസിയുടെയും സ്കൂളുകളുടെയും ബസുകളിലും സ്വകാര്യ ബസുകളിലും മൂന്ന് ക്യാമറകള് വീതമാണ് ഘടിപ്പിക്കേണ്ടത്. ബസിന്റെ മുന്വശവും പിന്വശവും കാണാവുന്ന രണ്ട് ക്യാമറകളും അകം ഭാഗം കാണാവുന്ന ക്യാമറയും ഘടിപ്പിക്കണം. ഡ്രൈവര് ഉറങ്ങി പോകുന്നത് പരിശോധിക്കാനുള്ള അലാം ക്യാമറയും ഘടിപ്പിക്കണം. ഓട്ടോറിക്ഷകളില് മീറ്റര് ഇടാതെയാണ് ഓടുന്നതെങ്കില് യാത്രയ്ക്ക് പണം നല്കേണ്ടെന്ന് കാണിക്കുന്ന സ്റ്റിക്കര് പതിപ്പിക്കണമെന്നും നിര്ദ്ദേശമുണ്ട്.
