ചെന്നൈ: സാമുദായിക ശത്രുത വളര്ത്തുന്ന പരാമര്ശങ്ങൾ നടത്തിയതിന് തമിഴ്നാട് ബിജെപി മുന് അധ്യക്ഷന് കെ അണ്ണാമലൈക്കെതിരെ ക്രിമിനല് കേസ്. മധുരയില് നടന്ന മുരുകന് ഭക്ത സമ്മേളനത്തില് നടത്തിയ പ്രസംഗത്തിലെ പരാമര്ശങ്ങളുടെ പേരിലാണ് അണ്ണാമലെെയ്ക്കും ഹിന്ദു മുന്നണി നേതാക്കള്ക്കുമെതിരെ കേസെടുത്തിരിക്കുന്നത്.
ജൂണ് 22-ന് നടന്ന മുരുകന് ഭക്തജന സമ്മേളനത്തില് നിരവധി നേതാക്കള് പ്രകോപനപരമായ പ്രസംഗങ്ങള് നടത്തിയെന്ന് കാണിച്ച് വഞ്ചിനാഥന് എന്ന അഭിഭാഷകനാണ് പരാതി നൽകിയത്. വിവിധ സമുദായങ്ങള്ക്കിടയില് ശത്രുത വളര്ത്തുന്ന പരാമര്ശങ്ങള് നടത്തിയെന്നുമായിരുന്നു പരാതി.
