പാലക്കാട്: ഉത്സവ ആഘോഷത്തിനിടയിൽ എയർഗണ്ണുമായി അഭ്യാസ പ്രകടനം നടത്തിയ യുവാവിനെതിരെ പൊലീസ് കേസെടുത്തു. തൃത്താല ഒതളൂർ സ്വദേശി ദില്ജിത്തിനെതിരെയാണ് കേസെടുത്തത്. തൃത്താല വേങ്ങശ്ശേരിക്കാവ് പൂരത്തിനിടെയാണ് സംഭവം. ഉത്സവ പരിപാടികള്ക്കിടയില് എയർഗണ് പ്രദർശിപ്പിച്ചതിനും, എയർഗണ് അശ്രദ്ധമായി കൈകാര്യം ചെയ്തതിനുമാണ് കേസെടുത്തിരിക്കുന്നത്.
പെരുമ്പിലാവില് നിന്നാണ് യുവാവ് എയർഗണ് വാടകയ്ക്ക് എടുത്തതെന്നാണ് പൊലീസ് കണ്ടെത്തി. താൻ വാടക സാധനങ്ങള് എടുക്കുന്ന കടയില് നിന്നും പ്രദർശന വസ്തു എന്ന നിലക്ക് വാടകക്ക് എടുത്തതാണെന്നും യഥാർത്ഥ എയർഗണ് ആണെന്ന് അറിയില്ലായിരുന്നുവെന്നും ദില്ജിത് പൊലീസിനോട് പറഞ്ഞു.
