കുടക്: വെള്ളച്ചാട്ടത്തിൽ കുടുങ്ങിയ എഞ്ചിനീയറിങ് വിദ്യാർഥികളെ അഗ്നിരക്ഷാ സേന സാഹസികമായി രക്ഷപ്പെടുത്തി. കർണാടകയിലെ കുടക് ജില്ലയിലെ മല്ലള്ളി ഇറങ്ങിയ വിദ്യാര്‍ത്ഥികളാണ് അപകടത്തില്‍പ്പെട്ടത്. ആന്ധ്രാപ്രദേശിൽ നിന്നുള്ള എഞ്ചിനീയറിങ് വിദ്യാർഥികളാണ് അപകടത്തിൽപ്പെട്ടത്. വെള്ളച്ചാട്ടത്തിൽ സെൽഫി എടുക്കുന്നതിനായി ഇറങ്ങിയ വിദ്യാർഥികൾ സുരക്ഷാ വേലി മറികടന്ന് പ്രവേശന നിയന്ത്രണമുള്ള ഭാഗത്തേക്ക് കടക്കുകയായിരുന്നു. ഇതിനിടെ പുഴയിലെ ജലനിരപ്പ് പെട്ടെന്ന് ഉയർന്നതോടെ വിദ്യാർഥികൾ ഒഴുക്കിൽ കുടുങ്ങി. വിവരമറിഞ്ഞ് സ്ഥലത്തെത്തിയ അഗ്നിരക്ഷാ സേന നടത്തിയ രക്ഷാപ്രവർത്തനത്തിലൂടെയാണ് ഇവരെ സുരക്ഷിതമായി കരയ്‌ക്കെത്തിച്ചത്. സംഭവത്തിൽ വിദ്യാർഥികൾക്ക് പരിക്കുകളൊന്നും റിപ്പോർട്ട് ചെയ്തിട്ടില്ല. […]