പാലക്കാട്: നിയുക്ത പാലക്കാട് എംഎല്‍എ രാഹുല്‍ മാങ്കൂട്ടത്തിലിന്റെ സത്യപ്രതിജ്ഞ അടുത്ത മാസം നാലിന് നടക്കും. വാര്‍ത്താസമ്മേളനത്തില്‍ രാഹുല്‍ തന്നെയാണ് ഇക്കാര്യം വ്യക്തമാക്കിയത്. ചേലക്കരയില്‍ നിന്ന് വിജയിച്ച യുആര്‍ പ്രദീപിന്റെ സത്യപ്രതിജ്ഞയും അന്ന് തന്നെ നടക്കും. സ്പീക്കര്‍ എഎന്‍ ഷംസീര്‍ സത്യവാചകം ചൊല്ലിക്കൊടുക്കും. വികസന കാര്യത്തില്‍ രാഷ്ട്രീയം മാറ്റിവെച്ച് ഒന്നിച്ച് നില്‍ക്കണമെന്ന് രാഹുല്‍ പറഞ്ഞു. തെരഞ്ഞെടുപ്പ് വരുമ്പോള്‍ പരസ്പരം പോരാടാം. വികസനത്തില്‍ രാഷ്ട്രീയം കലര്‍ത്തിയാല്‍ ജനങ്ങള്‍ക്കും നാടിനും ഗുണമില്ല. വികസന കാര്യത്തില്‍ പ്രതിപക്ഷ എംഎല്‍എമാരെ സര്‍ക്കാര്‍ അവഗണിക്കുന്നു എന്ന […]