കൊച്ചി: ചൈനീസ് ലോണ് ആപ്പ് തട്ടിപ്പിന്റെ മുഖ്യ സൂത്രധാരന് മുസ്തഫ കമാലിനെ തേടി ഇ ഡി സിംഗപ്പൂരിലേക്ക്. ലോണ് ആപ്പ് തട്ടിപ്പിന് പുറമേ ക്രിപ്റ്റോ കറന്സിയില് നേരത്തെയും ഇയാള് വലിയ തട്ടിപ്പ് നടത്തിയിട്ടുണ്ടെന്നാണ് കണ്ടെത്തല്. മുസ്തഫ കമാലാണ് തട്ടിപ്പ് സംഘത്തെ നിയന്ത്രിച്ചിരുന്നതെന്ന് ഇഡി കണ്ടെത്തി.
എന്ഫോഴ്സ്മെന്റ് ഡയറക്ടറേറ്റ് സിംഗപ്പൂര് പൗരനായ അറസ്റ്റിലായ മലയാളികളായ സയ്യിദ് മുഹമ്മദിനെയും, ടി.ജി വര്ഗീസിനെയും വിശദമായി ചോദ്യം ചെയ്തതില് നിന്നാണ് മുസ്തഫ കമാലുമായി ബന്ധപ്പെട്ട സുപ്രധാന വിവരങ്ങള് ഇ ഡിക്ക് ലഭിച്ചത്. ഇയാള് 112 കോടി രൂപ ചൈനയില് ക്രിപ്റ്റോ നിക്ഷേപം നടത്തിയിട്ടുണ്ടെന്നും ഇഡി കണ്ടെത്തിയിട്ടുണ്ട്.
1600 കോടിയുടെ തട്ടിപ്പ് നടന്നതാണ് ഇ ഡിയുടെ വിലയിരുത്തല്. ഇതില് സയ്യിദ് മുഹമ്മദിന്റെയും, ടി ജി വര്ഗീസിന്റെയും നിയന്ത്രണത്തിലുള്ള ബാങ്ക് അക്കൗണ്ടുകളിലൂടെ ഒഴുകിയത് 718 കോടി രൂപയാണ്. നിലവില് കസ്റ്റഡിയിലുള്ള പ്രതികളെ എന്ഫോഴ്സ്മെന്റ് ഡയറക്ടറേറ്റ് വിശദമായി ചോദ്യം ചെയ്യുകയാണ്.
