അന്വര് റഷീദിന്റെ സംവിധാനത്തിൽ മോഹൻലാൽ നായകനായെത്തിയ ചിത്രം ഛോട്ടാ മുംബൈ റീ റിലീസിന് ഒരുങ്ങുന്നു. മെയ് 21 ന് മോഹൻലാലിന്റെ പിറന്നാൾ ദിനത്തിലായിരിക്കും ചിത്രം തിയേറ്ററിലെത്തുക എന്ന നേരെത്തെ തന്നെ റിപ്പോർട്ടുകളുണ്ടായിരുന്നു. ഇപ്പോഴിതാ ഔദ്യോഗികമായി മോഹന്ലാല് തന്നെ ചിത്രത്തിന്റെ റിലീസ് തിയതി പ്രഖ്യാപിച്ചിരിക്കുകയാണ്.
എക്കാലത്തെയും മികച്ച എന്റര്ട്ടെയിനര് ആയിരുന്നു ഛോട്ടാ മുംബൈ ഒരിക്കൽ കൂടി തിയേറ്ററിൽ ആസ്വദിക്കാനുള്ള ആവേശത്തിലാണ് ആരാധകർ. വാസ്കോ ഡ ഗാമയായി മോഹൻലാൽ നിറഞ്ഞാടിയപ്പോൾ സ്ക്രീനിൽ പ്രതിനായകനായ നടേശന് ആയി തിളങ്ങിയത് കലാഭവന് മണിയായിരുന്നു. ചിത്രത്തിൽ നായികയായെത്തിയത് ഭാവനയായിരുന്നു. സിദ്ദിഖ്, ജഗതി ശ്രീകുമാര്, ഇന്ദ്രജിത്ത് സുകുമാരന്, മണിക്കുട്ടന്, ബിജുക്കുട്ടന്, സായ് കുമാര്, രാജന് പി ദവേ്, വിനായകന്, മണിയന്പിള്ള രാജു, മല്ലിക സുകുമാരന്, എന്നിവരും ചിത്രത്തിലുണ്ടായിരുന്നു.
