മലപ്പുറം: മലപ്പുറം കൂരിയാട് ദേശീയപാതയിൽ വിള്ളൽ . തലപ്പാറ ഭാഗത്തെ റോഡിലാണ് വിള്ളൽ ഉണ്ടായത് . സംഭവത്തെ തുടർന്ന് ഇതുവഴിയുള്ള ഗതാഗതം നിരോധിച്ചിരിക്കുകയാണ്. സര്‍വീസ് റോഡ് വഴിയാണ് നിലവില്‍ വാഹനങ്ങള്‍ വഴിതിരിച്ചുവിടുന്നത്. കഴിഞ്ഞദിവസം ദേശീയപാതയുടെ ഒരുഭാഗം തകര്‍ന്നുവീണ കൂരിയാടിന് നാലുകിലോമീറ്ററോളം അകലെയാണ് വിള്ളല്‍ കണ്ടെത്തിയ തലപ്പാറ പ്രദേശം.

റോഡിന്റെ അടിഭാഗത്തെ മണ്ണുനീങ്ങുന്നതാണ് വിള്ളലിന് കാരണമെന്ന് നാട്ടുകാരുടെ ആരോപണം . അതേസമയം ഈ ഭാഗത്ത് തിരൂരങ്ങാടി ഇൻസ്‌പെക്ടറുടെ നേതൃത്വത്തില്‍ പോലീസ് സ്ഥലത്തെത്തി ഗതാഗതം നിയന്ത്രിക്കുന്നുണ്ട്. കഴിഞ്ഞ ദിവസമായിരുന്നു മലപ്പുറത്ത് നിർമാണത്തിനിടെ ദേശീയപാത 66ലെ ആറുവരിപ്പാത ഇടിഞ്ഞുവീണത്. മലപ്പുറത്തെ കൂരിയാടിന്റെയും കൊളപ്പുറത്തിന്റെയും ഇടയിലായിരുന്നു റോഡ് തകർന്ന് വീണത്.