കൊച്ചി: കോടികളുടെ ക്രിപ്റ്റോ കറന്സി തട്ടിപ്പ് കേസില് നടിമാരായ തമന്ന ഭാട്ടിയ, കാജല് അഗര്വാള് എന്നിവരെ ചോദ്യം ചെയ്യും. വിരമിച്ച സര്ക്കാര് ജീവനക്കാരന് നല്കിയ പരാതിയിലാണ് പൊലീസ് നടപടി. 60 കോടിയുടെ തട്ടിപ്പ് കേസിലാണ് പുതുച്ചേരി പൊലീസ് നടിമാരെ ചോദ്യം ചെയ്യുന്നത്.
2022ല് കമ്പനിയുടെ ഉദ്ഘാടനത്തില് നടി തമന്ന അതിഥി ആയിരുന്നു. പ്രചാരണ പരിപാടികളില് കാജല് അഗര്വാളും പങ്കെടുത്തിരുന്നു. ഉദ്ഘാടനത്തില് പങ്കെടുത്തതിന് പുറമെ കമ്പനിയുമായി നടിമാര്ക്ക് ബന്ധം ഉണ്ടോയെന്നാണ് അന്വേഷിക്കുന്നത്. കേരളത്തില് അടക്കം തട്ടിപ്പ് നടത്തിയെന്നാണ് നിഗമനം. കേസില് നേരത്തെ രണ്ട് പേര് അറസ്റ്റിലായിരുന്നു.
