കോട്ടയം: വനിതാ ശിശുവികസന വകുപ്പിന്റെയും കോട്ടയം ജില്ലാ ശിശു സംരക്ഷണ യൂണിറ്റിന്റെയും (DCPU) ആഭിമുഖ്യത്തിൽ കുമരകം എ.ബി.എം. ജി.യു.പി സ്കൂളിൽ വിദ്യാർത്ഥികൾക്കായി സൈബർ ബോധവൽക്കരണ ക്ലാസ് സംഘടിപ്പിച്ചു. ‘ഒ.ആർ.സി സ്മാർട്ട്-40 ക്യാമ്പിന്റെ’ ഭാഗമായി നടന്ന പരിപാടി ഹെഡ്മാസ്റ്റർ മനോജ് വി. പോൾ ഉദ്ഘാടനം ചെയ്തു. ഇന്റർനെറ്റിന്റെയും സ്മാർട്ട്ഫോണുകളുടെയും സുരക്ഷിതമായ ഉപയോഗത്തെക്കുറിച്ചും ഡിജിറ്റൽ ഇടങ്ങളിലെ ചതിക്കുഴികളെക്കുറിച്ചും കുട്ടികളിൽ അവബോധം വളർത്തുകയാണ് പരിപാടിയുടെ ലക്ഷ്യം.

ഒ.ആർ.സി റിസോഴ്സ് പേഴ്സൺ ആർ. സന്ദീപ് സൈബർ സുരക്ഷ, ലൈഫ് സ്കില്ലുകൾ എന്നീ വിഷയങ്ങളിൽ ക്ലാസുകൾക്ക് നേതൃത്വം നൽകി. ഡിജിറ്റൽ യുഗത്തിൽ കുട്ടികൾ സൈബർ അപകടങ്ങളിൽപ്പെടാതിരിക്കാൻ കൃത്യമായ അറിവും ജാഗ്രതയും അനിവാര്യമാണെന്ന് ചടങ്ങിൽ സംസാരിച്ചവർ വ്യക്തമാക്കി. സ്കൂളിലെ അധ്യാപകരും വിദ്യാർത്ഥികളും പരിപാടിയിൽ സജീവമായി പങ്കെടുത്തു.