കോട്ടയം: ധന്യൻ മാർ മാക്കീൽ പിതാവിന്റെ ചരമവാർഷികത്തോടനുബന്ധിച്ച് കെ.സി.വൈ.എൽ കോട്ടയം അതിരൂപതയുടെ നേതൃത്വത്തിൽ ജനുവരി 25-ന് ‘മാക്കീൽ തീർത്ഥാടനം’ പദയാത്ര സംഘടിപ്പിക്കുന്നു. അന്നേ ദിവസം ഉച്ചയ്ക്ക് 12:30-ന് കൈപ്പുഴ ദൈവദാസൻ പൂതത്തിൽ തൊമ്മിയച്ചന്റെ കബറിടത്തിൽ നിന്നും ആരംഭിച്ച് ഇടക്കാട്ട് പള്ളിയിലുള്ള മാർ മാക്കീൽ പിതാവിന്റെ കബറിടം വരെയാണ് പദയാത്ര നടത്തുന്നത്.

ത്യാഗോജ്വലമായ പദയാത്രയെത്തുടർന്ന് വൈകുന്നേരം 3:30-ന് വിശുദ്ധ കുർബാനയും ഉണ്ടായിരിക്കും. പദയാത്രയിലും തുടർന്ന് നടക്കുന്ന തിരുകർമ്മങ്ങളിലും എല്ലാ യുവജന സുഹൃത്തുക്കളും പങ്കെടുത്ത് അനുഗ്രഹം പ്രാപിക്കണമെന്ന് കെ.സി.വൈ.എൽ ഭാരവാഹികൾ അറിയിച്ചു. പദയാത്രയ്ക്കായുള്ള വിപുലമായ തയ്യാറെടുപ്പുകൾ അതിരൂപതയുടെ നേതൃത്വത്തിൽ പൂർത്തിയായി വരുന്നു.