തൃശ്ശൂർ: സേവാഭാരതിയും കെ. ചിറ്റിലപ്പിള്ളി ഫൗണ്ടേഷൻയും സംയുക്തമായി നടപ്പാക്കുന്ന “തലചായ്ക്കാനൊരിടം” പദ്ധതിയുടെ ഭാഗമായി തൃശ്ശൂർ ജില്ലയിലെ മണലൂർ പഞ്ചായത്തിൽ നിർമിച്ച് നൽകിയ വീടിന്റെ ഗൃഹസമർപ്പണം നടന്നു.
മണലൂർ പഞ്ചായത്ത് ബിഎസ്എൻഎൽ ഓഫീസ് പരിസരത്തോട് ചേർന്നുള്ള വിളക്കും കാലിനടുത്ത് (കണ്ടശ്ശാംകടവ്) ശ്രീമതി സുധ രാജീവ് പറത്താട്ടിലിനും കുടുംബത്തിനുമാണ് പുതുവീട് കൈമാറിയത്.മണലൂർ സേവാഭാരതി പ്രസിഡന്റ് രഞ്ജിത്ത് മുടവങ്ങാട്ടിൽ അധ്യക്ഷത വഹിച്ചു. ആവണങ്ങാട്ടിൽ കളരി മഠാധിപതി അഡ്വ. രഘുരാമപ്പണിക്കർ കുടുംബത്തിന് വീടിന്റെ താക്കോൽദാനം നിർവഹിച്ചു. രാഷ്ട്രീയ സ്വയംസേവക സംഘം ഉത്തരകേരള പ്രാന്ത കാര്യവാഹ് രാഷ്ട്രീയ സ്വയംസേവക സംഘംയിലെ മാനനീയ ഈശ്വർജി കുടുംബത്തിന് മംഗളപത്രം സമർപ്പിച്ചു.
സേവാഭാരതി സംസ്ഥാന സംഘടന സെക്രട്ടറി കെ.വി. രാജീവ് സേവാസന്ദേശം നൽകി.സഹാനുഭൂതിയും സഹകരണവും നിറഞ്ഞ ചടങ്ങിൽ ശ്രീമതി സുധ രാജീവ് വികാരനിർഭരയായി. ഈ സംരംഭം യാഥാർത്ഥ്യമാക്കാൻ സഹായിച്ച സേവാഭാരതിയെയും കെ. ചിറ്റിലപ്പിള്ളി ഫൗണ്ടേഷനെയും ഉൾപ്പെടെ എല്ലാ പ്രദേശവാസികളെയും സ്മരിച്ച് അവർ ഹൃദയപൂർവം നന്ദി അറിയിച്ചു.
