ന്യൂഡല്ഹി: സിഖ് ഗുരുക്കന്മാരുടെ എഐ ചിത്രങ്ങള് ഉപയോഗിച്ച് വീഡിയോ പങ്കുവെച്ച് യൂട്യൂബര് ധ്രുവ് റാഠി. ‘ദി സിഖ് വാരിയര് ഹു ടെറിഫൈഡ് ദി മുഗള്സ്’ എന്ന പേരിലായിരുന്നു ധ്രുവ് വീഡിയോ പുറത്തിറക്കിയത്. വീഡിയോയിലെ സിഖ് ഗുരുക്കന്മാരുടെ എ ഐ ജനറേറ്റഡ് ചിത്രങ്ങള്ക്കെതിരെ സിഖ് സംഘടനകള് രംഗത്തെത്തി. ഇതോടെ ധ്രുവ് റാഡി വീഡിയോ പിൻവലിക്കുകയായിരുന്നു.
സിഖ് ഗുരുക്കന്മാരെ സാധാരണ മനുഷ്യരെ പോലെ ചിത്രീകരിക്കുന്നതും അവരെ കുറിച്ച് വീഡിയോ ചെയ്യുന്നതും അംഗീകരിക്കാന് കഴിയില്ലെന്നാണ് സംഘടനകളുടെ നിലപാട്. സിഖ് സംഘടനകളായ അകാല് തഖ്ത്, ശിരോമണി അകാലിദള്, ശിരോമണി ഗുരുധ്വാര പ്രബന്ധക് കമ്മിറ്റി എന്നിവരാണ് പ്രതിഷേധവുമായി എത്തിയത്.
