വാഷിങ്ടണ്: അമേരിക്കയിൽ ട്രാന്സ്ജെന്ഡര് ഭ്രാന്ത് അവസാനിപ്പിക്കുമെന്ന് നിയുക്ത പ്രസിഡന്റ് ഡൊണാള്ഡ് ട്രംപ്. ഫിനിക്സില് നടന്ന ചടങ്ങില് യുവാക്കളെ അഭിസംബോധന ചെയത് സംസാരിക്കവെയായിരുന്നു അദ്ദേഹത്തിന്റ വിവാദ പരാമർശം. ആണും പെണ്ണും എന്ന രണ്ട് ജെന്ഡറുകള് മാത്രമെ ഇനി യു.എസില് ഉണ്ടാവുകയുള്ളുവെന്നും ബൈനറി ജൻഡർ പോളിസി അമേരിക്കന് ഗവണ്മെന്റിന്റെ ഔദ്യോഗിക നയമായിരിക്കുമെന്നും ട്രംപ് വ്യക്തമാക്കി.
ട്രാന്സ്ജെന്ഡറുകളെ സൈന്യം, സ്കൂള് എന്നിവിടങ്ങളില് നിന്ന് പുറത്താക്കാനുള്ള ഉത്തരവുകളില് ഒപ്പിടും, സ്ത്രീകളുടെ കായിക ഇനങ്ങളില് നിന്ന് പുരുഷന്മാരെ പുറത്താക്കും. കുട്ടികളുടെ ചേലാകർമ്മം അവസാനിപ്പിക്കാനുള്ള ഉത്തരവില് ഒപ്പിടുമെന്നും അദ്ദേഹം വ്യക്തമാക്കി. ട്രംപിന്റെ ഈ നിലപാട് യു.എസ് രാഷ്ട്രീയത്തില് വലിയ ചര്ച്ചാവിഷയമായി.
