കണ്ണൂർ : പഴവങ്ങാടിയിൽ എട്ട് മാസം പ്രായമായ കുഞ്ഞിന് മരുന്ന് മാറി നൽകിയെന്ന് പരാതി. മരുന്ന് കഴിച്ചതിൽ പിന്നെ കുഞ്ഞ് ഗുരുതരാവസ്ഥയിൽ ആണ്. ഡോക്ടർ നിർദേശിച്ച മരുന്നിനു പകരം അമിത ഡോസുള്ള മറ്റൊരു മരുന്നാണ് മെഡിക്കല് ഷോപ്പില് നിന്നും കൊടുത്തത് . മെഡിക്കൽ ഷോപ്പിനെതിരെ കുട്ടിയുടെ ബന്ധു നൽകിയ പരാതിയിൽ പൊലീസ് കേസെടുത്തു.
പഴയങ്ങാടി സ്വദേശി സമീറിന്റെ ആൺകുഞ്ഞ് ആശുപത്രിയില് ചികിത്സയിലാണ്. പനിയെ തുടർന്നാണ് കുഞ്ഞ് ചികിത്സ തേടിയത്, മാറി നൽകിയ മരുന്ന് കുഞ്ഞിൻറെ കരളിൻറെ പ്രവർത്തനത്തെ ബാധിച്ചെന്ന് ഡോക്ടർമാർ പറഞ്ഞു. സംഭവത്തിൽ പഴയങ്ങാടി ഖദീജ മെഡിക്കൽസിനെതിരെ പൊലീസ് കേസെടുത്തു.
