പത്തനംതിട്ട: മല്ലപ്പള്ളിയിൽ വീട്ടമ്മയിൽ നിന്ന് ലക്ഷങ്ങൾ തട്ടിയയാൾ അറസ്റ്റിൽ. ഫേസ്ബുക്കില് ‘തൂവല്കൊട്ടാരം’ എന്ന പേരിലുള്ള ഗ്രൂപ്പിൻ്റെ അഡ്മിനാണ് പിടിയിലായത്. ആനിക്കാട് സ്വദേശിനിയായ 52-കാരിക്ക് പലതവണയായി 6,80,801 രൂപയാണ് നഷ്ടപ്പെട്ടത്.
കോഴിക്കോട് മാവൂര് കന്നിപ്പറമ്പ് പെരുംകൊല്ലംതൊടി വീട്ടില് സി കെ പ്രജിത്തിനെ കീഴ്വാസ്പൂര് പൊലീസ് അറസ്റ്റ് ചെയ്തു. ‘തുവൽക്കൊട്ടാരം’ എന്ന ഗ്രൂപ്പിൻ്റെ അഡ്മിനായ പ്രജിത്ത് പല ആവശ്യങ്ങള് പറഞ്ഞും തിരിച്ചുകൊടുക്കാമെന്ന് ഉറപ്പുകൊടുത്തുമാണ് പണം കൈക്കലാക്കിയത്. ഗൂഗിള് പേ വഴിയാണ് പണം നൽകിയത്.
പിന്നീട് പണം തിരികെ ലഭിക്കാതെ വന്നപ്പോൾ യുവതി പൊലീസിൽ പരാതി നൽകുകയായിരുന്നു. മൊബൈല് ഫോണ് ലൊക്കേഷന്, ജില്ലാ പോലീസ് സൈബര് സെല്ലിന്റെ സഹായത്തോടെ പ്രതിയെ തിരിച്ചറിയുകയും കോഴിക്കോട് വീടിന് സമീപത്തുനിന്ന് പ്രജിത്തിനെ അറസ്റ്റ് ചെയ്യുകയുമായിരുന്നു.
