കൊച്ചി: എമ്പുരാൻ സിനിമയുടെ വ്യാജപതിപ്പ് സമൂഹ മാധ്യമങ്ങളിൽ പ്രചരിക്കുന്നു. സിനിമയുടെ ഹിന്ദി പതിപ്പാണ് പ്രചരിക്കുന്നത്. തിയറ്ററിൽ നിന്നും പകർത്തിയ ദൃശ്യങ്ങളാണ് സമൂഹ മാധ്യമങ്ങളിലൂടെ പ്രചരിപ്പിക്കുന്നത്. ഫേസ്ബുക്കിൽ പല പേജുകളിലായാണ് സിനിമയിലെ ഭാഗങ്ങൾ പോസ്റ്റ് ചെയ്തിരിക്കുന്നത്. ഇതിനോടകം ലക്ഷക്കണക്കിന് ആളുകളാണ് ഇത് കണ്ടത്. നിരവധി ആളുകൾ ഷെയർ ചെയ്തിട്ടുണ്ട്.

ആദ്യ ഷോ കഴിഞ്ഞ് മണിക്കൂറുകൾ പൂർത്തിയാകും മുമ്പേ ചിത്രത്തിന്റെ വ്യാജ പതിപ്പുകൾ പ്രചരിക്കുന്നതായി റിപ്പോർട്ട് വന്നിരുന്നു. ഇന്നലെയാണ് Kizito.peters എന്ന ഫേസ്ബുക്ക് പേജിൽ ചിത്രം പ്രത്യക്ഷപ്പെട്ടത്. വ്യാജപതിപ്പുകൾ ലഭിക്കാൻ ടെലഗ്രാമിലും ഗ്രൂപ്പുകൾ സജീവമാണ്.