വാഷിങ്ങ്ടണ്: ഗാസയിൽ യുദ്ധം അവസാനിപ്പിക്കാനുളള അമേരിക്കൻ നിര്ദേശം ഇസ്രായേല് അംഗീകരിച്ചു. വൈറ്റ് ഹൗസാണ് ഇത് സംബന്ധിച്ച് അറിയിപ്പ് നൽകിയത്. ഹമാസുമായുളള വെടിനിര്ത്തലിന് അമേരിക്കയുടെ മധ്യസ്ഥതയില് താല്ക്കാലിക വെടിനിര്ത്തലിനുളള നിര്ദേശമാണ് ഇസ്രായേല് അംഗീകരിച്ചത്.
അതേസമയം ഹമാസ് ഇതുസംബന്ധിച്ച് നിലപാട് വ്യക്തമാക്കിയിട്ടില്ലെന്ന് വൈറ്റ് ഹൗസ് പ്രസ് സെക്രട്ടറി കരോലിന് ലീവിറ്റ് പറഞ്ഞു. എന്നാല് പുതിയ നിര്ദേശത്തോട് ഹമാസും തുറന്ന സമീപനമാണ് സ്വീകരിച്ചിരിക്കുന്നത്. ശാശ്വതമായ വെടിനിര്ത്തലിനും ഗാസയുടെ പുനര്നിര്മ്മാണത്തിനുളള ഉറപ്പ് നല്കുന്നതിനും പകരമായി 58 ഇസ്രായേലി ബന്ദികളെ വിട്ടയക്കാമെന്നും ഹമാസ് അറിയിച്ചതായാണ് റിപ്പോര്ട്ട്.
