കൊച്ചി :സംസ്ഥാനം കടുത്ത സാമ്പത്തിക പ്രതിസന്ധിയിലായിരിക്കെ നാലാം വാർഷികം ആഘോഷിക്കാൻ സർക്കാരിന് ധാർമിക അവകാശമില്ലെന്ന് പ്രതിപക്ഷ നേതാവ് വി ഡി സതീശൻ കൊച്ചിയിൽ നടത്തിയ വാർത്തസമ്മേളനത്തിൽ പ്രതികരിച്ചു . സംസ്ഥാന സർക്കാരാണ് മുനമ്പത്തെ വിഷയത്തിൽ പ്രതിയെന്നും കൂടാതെ സർക്കാരിൻ്റെ നാലാം വാർഷികാഘോഷങ്ങൾ ബഹിഷ്കരിക്കുമെന്നും പ്രതിപക്ഷ നേതാവ് വ്യക്തമാക്കി.
മുനമ്പത്തേത് വഖഫ് ഭൂമി ആണെന്നത് താൻ നേരെത്തെ പറഞ്ഞ കാര്യമാണ് ,അത് തന്നെയാണ് ശരിയെന്നും അധികാരത്തിൽ എത്തിയാൽ പത്ത് മിനിറ്റിൽ പ്രശ്നം പരിഹരിക്കുമെന്നും പ്രതിപക്ഷ നേതാവ് വാർത്താസമ്മേളനത്തിൽ പറഞ്ഞു. അതേസമയം നിലമ്പൂർ ഉപതെരഞ്ഞെടുപ്പിനെ കുറിച്ചും അദ്ദേഹം പ്രതികരണം നടത്തി. നിലമ്പൂർ ഉപതിരഞ്ഞെടുപ്പിൽ സ്ഥാനാർഥി ചർച്ചകൾ പ്രാഥമിക ഘട്ടത്തിലാണെന്നും പാർട്ടി ദേശീയ നേതൃത്വവുമായി ചർച്ചകൾ നടക്കുന്നുണ്ടെന്നും പ്രതിപക്ഷ നേതാവ് കൂട്ടിച്ചേർത്തു .
