പാലക്കാട്: സിപിഐഎം പത്തനംതിട്ട ഫേയ്സ്ബുക്ക് പേജിലെ പോസ്റ്റില് പ്രതികരണവുമായി പാലക്കാട് ഉപതെരഞ്ഞെടുപ്പ് യുഡിഎഫ് സ്ഥാനാര്ത്ഥി രാഹുല് മാങ്കൂട്ടത്തില്. പത്തനംതിട്ടയില് മാത്രമല്ല, പാലക്കാടും തനിക്ക് സിപിഐഎം പ്രവര്ത്തകരുടെ പിന്തുണയുണ്ടെന്ന് രാഹുല് പ്രതികരിച്ചു.
അതിന്റെ പ്രതിഫലനമാണ് ഫെയ്സ്ബുക്ക് പോസ്റ്റില് കണ്ടത്. സിപിഐഎം പ്രവര്ത്തകര്ക്കിടയില് നേതൃവിരുദ്ധ തരംഗം ശക്തമാണെന്നും രാഹുല് കൂട്ടിച്ചേര്ത്തു.
എഡിഎം നവീന് ബാബുവിന്റെ മരണത്തില് പത്തനംതിട്ടയിലെ സിപിഐഎം പ്രവര്ത്തകര്ക്കും തനിക്കും ഒരേ നിലപാടാണ്. പത്തനംതിട്ട സിപിഐഎമ്മില് വിഭാഗീയതയുണ്ടെന്നും രാഹുല് മാങ്കൂട്ടത്തില് പറഞ്ഞു.
‘പാലക്കാട് എന്ന സ്നേഹ വിസ്മയം’ എന്ന അടിക്കുറിപ്പോടെയായിരുന്നു സിപിഐഎം പത്തനംതിട്ട ഫേയ്സ്ബുക്ക് പേജില് രാഹുല് മാങ്കൂട്ടത്തിലിന്റെ വീഡിയോ പ്രചരിക്കുന്നത്. സംഭവം വിവാദമായതോടെ ഫെയ്സ്ബുക്ക് പേജില് നിന്ന് വീഡിയോ നീക്കം ചെയ്തു.
