തിരുവനന്തപുരം:സംസ്ഥാനത്ത് ശക്തമായ മഴ തുടരും. മധ്യകേരളത്തിലും വടക്കന് കേരളത്തിലും ശക്തമായ മഴ പെയ്യാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. നിലവില് കണ്ണൂര്, കാസര്ഗോഡ് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. എറണാകുളം മുതല് വയനാട് വരെയുള്ള ജില്ലകളില് യെല്ലോ മുന്നറിയിപ്പുമുണ്ട്. വയനാട് ബാണാസുര സാഗര് അണക്കെട്ടിന്റെ സ്പില്വേ ഷട്ടറുകള് ഇന്ന് തുറക്കും.
തിരുവനന്തപുരം മുതല് കോട്ടയം വരെയുള്ള ജില്ലകളില് നിലവില് മഴ മുന്നറിയിപ്പില്ല . ന്യൂനമര്ദ്ദത്തിന്റെ ശക്തി വര്ധിക്കുന്നത് ലഭിക്കുന്ന മഴ അതേ അളവില് തുടരാന് ഇടയാകുമെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു. ഇന്നും കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്.
